දඬු ලේනෙකු පෙන්වීමට එන්නැයි රවටා හමුදා සෙබළෙකු 12 හැවිරිදි දැරියකට කළ දේ

දඬු ලේනෙකු පෙන්වීමට යැයි රවටා සිය නිවසට රැගෙන ගොස් 12 හැවිරිදි පාසල් දැරියකට බරපතළ ලිංගික අතවර කිරීම සම්බන්ධයෙන් අත් අඩංගුවට ගත් යුද හමුදා සෙබළෙකු ලබන සැප්තැම්බර් 10 වනදා දක්වා රක්ෂිත බන්ධනාගාරගත කිරීමට බලපිටිය වැඩබලන මහේස්ත්‍රාත්වරයා ඊයේ (05) නියෝග කළේය.

දැරියගේ දෙමව්පියන් විසින් පොලිසියට කළ පැමිණිල්ලක් අනුව ඔහුව අත් අඩංගුවට ගෙන ඇති බව වාර්තා වේ. පාසල් සිසුවිය නිවස අසල වෙළඳසැලකින් A4 කඩදාසි මිලට ගෙන ආපසු යන අවස්ථාවේදී සැකකාර සෙබළා දඬු ලේනෙකු පෙන්වීම සඳහා යැයි පවසමින් ඇයව රවටාගෙන සිය නිවසට කැඳවාගෙන ගොස් අතවර කර තිබේ.

මෙසේ රක්ෂිත බන්ධනාගාරගත කරන ලද්දේ පැරෑලිය, තෙල්වත්ත ප්‍රදේශයේ පදිංචි මුලතිව් යුද හමුදා කඳවුරේ සේවය කරන සෙබළෙකි.